Një burrë nga Prizreni mbrëmë ka raportuar në polici se dy të dyshuar nën kërcënimin e armës ia kanë vjedhur 30 mijë euro para të gatshme. Rasti ka ndodhur në rrugën “Hysen Terpeza”, raporton Gazeta Express
Sipas tij, paratë i ka pasur të fshehura nën divan, mirëpo është detyruar t’ia japë grabitësve për shkak se të njëjtit kanë qenë të armatosur.
Lajmin për Gazetën Express e ka konfirmuar edhe Vesel Gashi nga Policia e Prizrenit, i cili tha se të gjitha njësitet relevante të policisë po punojnë intensivisht për zbardhjen e këtij rasti.
“Një ankues ka raportuar në stacionin policor, njësitet e nevojshme kanë dalë në vendin e ngjarjes, janë të angazhuar edhe hetues të tjerë rajonalë që në mënyrë intensive janë duke hetuar rastin”, tha Gashi.