Fotografitë e Jozef Sekelit, të bëra gjatë ekspeditës austrohungareze në Shqipërinë e veriut, Kosovë dhe Maqedoni në vitin 1863, udhëtim ky i kryesuar nga albanologu Johan Georg fon Han, duket se janë fotografitë e para të këtij rajoni të Ballkanit.
Ishte një ekspeditë për një ndër cepat me të panjohura të Evropës.
Në saje të albanologut të njohur, Robert Elsie, foto nga ky koleksion mund t’i shijojnë edhe vizitorët e portalit Koha.net. Këtu janë përzgjedhur disa sosh nga Kosova aktuale, këso here prezantojmë Prizrenin e vitit 1863.
