Policia e Prizrenit ka arrestuar dje në mesditë një person, i cili pas një konflikti verbal ishte përfshirë në rrahje dhe më pas kishte gjuajtur në ajër me armë zjarri.
Rasti ka ndodhur në fshatin Lubizhdë.
Policia nga i dyshuari si dëshmi ka konfiskuar një pushkë automatike AK 47 me 22 fishekë, ndërsa në vendin e ngjarjes janë gjetur dhe konfiskuar 4 gëzhoja.
Dy persona tjerë, të cilët dyshohet se kishin qenë të përfshirë në rast, me një veturë ishin larguar nga vendi i ngjarjes. /PrizrenPress.com/