Nxënësve të klasës së dhjetë në gjimnazin ‘Atatyrk’ të Mamushës profesori që e jep lëndën e informatikës e jep edhe lëndën e psikologjisë.
Kjo ndodh pavarësisht se profesori shkollimin universitar e ka për Informatikë, njofton Klan Kosova.
E angazhuar është në më shumë se një lëndë është edhe profesoresha Gokcen Curci e cila jep lëndën e historisë, gjeografisë e astronomisë.
Kështu nga dy e tri lëndë japin 6 profesorët e gjimnazit që ka 226 nxënës. Pa angazhim nuk është as drejtori i shkollës.
E kjo situatë sipas tij është qeë një kohë të gjatë.
Këtë problem kryetari i Mamushës e ka paraqitur edhe në Ministrinë e Arsimit, ku thotë se disa herë ka bërë kërkesa për shtimin e numrit të profesorëve.
Megjithatë zyrtar të MASHT-it nuk japin shpresë se do të ndërhyjnë në këtë komunë. Drejtor i Departamentit për shkollim parauniversitar në MASHT tha se drejtuesit e komunës duhet të bëjnë zgjidhje vet duke bashkëpunuar me komunat tjera përrreth.