Projekti i fundit nga Muzeu Historik Kombëtar, titullohet ‘’Muzeu im’’.
E në këtë projekt çdo qytetar mund të ekspozojë objekte të vjetra të trashëguara nga të parët e tyre.
”Muzeu Historik Kombëtar fton të gjithë qytetarët që kanë ndonjë unazë që u’a ka lënë pas gjyshi apo gjyshja, ndonjë vazo të vjetër në shtëpi, apo çdo objekt tjetër që posedojnë dhe vjen nga e shkuara e largët t’i prezantojnë ato në ambientet, MHK-së”, thuhet në një njoftim në rrjetin social Facebook.
Ky projekt ka për qëllim që edhe qytetarët të jenë më afër muzeut duke sjellë sendet e tyre të vjetra.
Ekspozita do të prezantohet çdo të premte në orën 11:00, sipas MHK-së objektet që do të sillen në këtë ekspozitë do të merren përsëri nga personat që do t’i sjellin ato.