Ushtruesi i detyrës së kryeprokurorit të Prokurorisë Themelore në Prizren, Metush Biraj ka pranuar se kryetari i Kuvendit të Kosovës, Kadri Veseli ka kërkuar të hetohet lakimi i emrit të tij për punësimin e një mësimdhënësi në shkollën “Mati Logoreci” në Prizren.
“Kadri Veseli ka kërkuar të hetohet dhe sqarohet lakimi i emrit të tij në punësimin e një rasti në shkollën “Mati Logoreci”. Prokuroria ka angazhuar policinë për të hetuar këtë rast”, ka thënë Biraj për Koha Ditore.
Gazetari Rami Berisha ka akuzuar Drejtorinë e Arsimit në Prizren se ka punësuar mësimdhënës pa konkurs dhe në emër të Kadri Veselit. Ai thotë se për këto raste ka edhe fakte.