Kryeprokurori i Prokurorisë Themelore në prizren, Sylë Hoxhaj, garanton se në ditën e zgjedhjeve do të parandalohet çdo lloj keqpërdorimi të votës. Ai thotë se me 8 qershor prokurorët do të dalin në detyrë për të mbrojtur votën e lirë të qytetarëve.
“Garantoj qytetarët se në ditën e zgjedhjeve prokurorët do të jenë në detyrë për të parandaluar çdo lloj keqpërdorimi të votës”, thotë Hoxhaj.
Prokuroria në Prizren, sipas tij, është mobilizuar për ditën e zgjedhjeve.
Kryetari i Gjykatës Themelore në Prizren, Ymer Hoxhaj ndërkaq premton se lëndët që kanë të bëjnë me keqpërdorim të votës do të kenë prioritet nga gjykata. “Gjykata me prioritetin më të madh do t’i trajtojë rastet e keqpërdorimit të votës”,premton Hoxhaj. /PrizrenPress.com/