Prokuroria Themelore në Prizren, ka ngritë aktakuzë të re kundër drejtorit të Drejtorisë së Arsimit në Prizren, Nexhat Çoçajt. Bashkë me Çoçajn, akuzohen edhe Nezir Osmani, Gëzim Gergi dhe Sami Makolli.
Prokuroria akuzon Çoçajn dhe tre të tjerët për një tender për furnizim të shkollave me kopjutera.
Burimet e sigurta të “PrizrenPress”-it brenda Prokurorisë Themelore tregojnë se aktakuza e ngritur është dorëzuar në Gjykatën Themelore në Prizren. “Çoçaj bashkë me tre të tjerë dyshohet për dhënien e një tenderi për furnizim të shkollave me kopjutera. Vlera për të cilën ata dyshohen sillet dikund rreth 1000 euro”, tregon burimi brenda Prokurorisë në Prizren.
Sipas të njëjtit burim ky rast është në shqyrtim e sipër në Gjykatë. “Janë mbajtur nja dy-tri seanca dëgjimore, por ende nuk është vendosur asgjë”.
Zëdhënësja e Gjykatës Themelore në Prizren, Afërdita Kicaj, ndërkaq konfirmon për “PrizrenPress” se ky rast është në shqyrtim e sipër në Gjykatë. “Lënda kundër Çoçajt dhe tre të tjerëve përmbanë numrin 331/13 dhe është në fazën e shqyrtimit. Informacione tjera shtesë për këtë lëndë nuk kemi”, tha Kicaj./PrizrenPress.com/