Me rastin e shënimit të njëvjetorit të vdekjes së kantautorit dhe instrumentistit Shaqir Hoti, sot është promovuar dokumentari “Okarina e Runikut”.
Këshilltari i ministrit të Kulturës, Liburn Jupolli, tha se Shaqir Hoti ishte një nga figurat më të mëdha të trashëgimisë muzikore-folklorike, duke kompozuar më shumë se 180 këngë.
Ndërsa, profesori Valton Beqiri tha se gjatë viteve 2019-2020 kanë mbajtur organizime në shkollat e Kosovës, ku nxënësve u është treguar historia e instrumentit të okarinës.
Instrumente frymore të punuara ndër vite nga Hoti janë vlerësuar si diçka unike dhe të rralla. /RTK