25.8 C
Prizren
E hënë, 24 Qershor, 2024

Putin, drejt izolimit të plotë

PutinEdhe pse shumë vende perëndimore i shmangen përballjes së drejtperdrejt me të, apo edhe kërkesës publike që Rusia të kalojë në veprim, Vladimir Putin sa vjen e izolohet më shumë ndërkombëtarisht.

Rusia është një vend i madh, ka të drejtën e vetos në OKB; Putin vet gëzon mbështetje të gjerë brenda kufijve. Të mos harrojmë, – thotë CNN, – se varianti i ngarjeve që u serviret rusëve përbën një lloj realiteti alternativ, ku për ndodhinë e avionit malajzian, me faj vishet qeveria ukrainase, edhe pse territorin nga ku lëshohen raketat nuk e kontrollon ajo, por rebelët pro-rusë.

Pretendimet e Moskës shkojnë deri aty, sa të thuhet se Kievi mund të ketë dashur të rrëzojë avionin e presidetit Putin, por doli huq. Me pak fjalë, një tërësi informacionesh të fabrikuara, që e ndihmojnë shefin e Kremlinit të mbetet popullor në vendin e tij.

Mbështetja e brendshme, Putin-it i intereson shumë. Megjithatë, izolimi i jashtëm nuk kalon pa pasoja. Në sytë e ekspertëve, qëndrimi i tij po e vendos Rusinë në pozitat e një pasigurie të thellë, për sa i takon investimeve të biznesit, marrëveshjeve diplomatike, e pothuajse çdo tjetër që i intereson në raport me Perëndimin.

Rusia nuk është Irani, – vazhdon CNN. – Është një shtet i madh, të cilit i nevojiten investimet e huaja. Në tregjet globale, ajo shet përgjatë gjithë kohës borxhin e vet dhe është e pamundur të mos ketë qasje me botën, e të mos ia ketë asaj nevojën.

Në këtë këndvështrim, Europa ka një as nën mëngë. Nëse europianët vendosin t’i ashpërsojnë sanksionet ekonomike, ndikimi do të jetë i qenësishëm. E, duke qenë se Rusia është pjesë e ekonomisë globale, Putin nuk mund të jetë i pandjeshëm ndaj këtyre masave, të shndërruara sot në armën më të mirë të momentit, që kontinenti i vjetër ka në dorë kundër tij.

Më Shumë

Premtimet boshe të kryeministrit Kurti

Shkruan: Fahri Musliu Kryeministri i Kosovës, Albin Kurti, para plot tre vitesh, më 1 qershor 2021, në ditëlindjen e 85-të, mbajti një fjalim shumë frymëzues...

KFOR-i bën intervenim të përkohshëm në Urën e Fshajtë

Prej disa muajsh gjendja e Urës së Fshajtë, kishte paraqitur rrezik për shoferët dhe kalimtarët që e frekuentonin këtë pjesë, për shkak se mbrojtëset...

Lajmet e Fundit