17.1 C
Prizren
E enjte, 29 Maj, 2025

Quni: Mbretëria e Bashkuar ndër mbështetësit tanë kryesor në procesin e tranzicionit të FSK-së

Ministri i Mbrojtjes Anton Quni priti sot në takim Këshilltarin e Transformimit të Mbrojtjes në Ballkanin Perëndimor, gjeneral brigade Johnny Bowron.

Në takim, ministri Quni e njoftoi brigadierin Bowron me zhvillimet në MM dhe FSK, të arriturat gjatë procesit aktual të tranzicionit dhe sfidat e shfaqura gjatë krizë aktuale të pandemisë COVID-19.

Ai, ndër të tjera  shprehu falënderimin dhe mirënjohjen e thellë për rolin dhe kontributin e madh të shtetit, qeverisë dhe Forcave të Armatosura Britanike në ndërtimin dhe zhvillimin e gjithëmbarshëm të vendit tonë, vet Ministrisë së Mbrojtjes dhe Forcave të Sigurisë së Kosovës.

Në takimin e radhës me brigadierin Bowron, komandanti i FSK-së, gjenerallejtënant Rrahman Rama theksoi se partneriteti me Forcat e Armatosura Britanike do të vazhdojë të jetë i fuqishëm në perspektivën tonë zhvillimore për të arritur aftësitë, kapacitetet dhe standardet më të larta operacionale.

Nga ana e tij, brigadieri Bowron shprehu vlerësimin e lartë për strategjinë e tranzicionit të MM/FSK-së si dhe të arriturat e deritashme  duke shprehur mbështetjen nga autoriteti zyrtar dhe eksperienca e tij për këtë proces edhe në të ardhmen.

Ministri Quni gjatë takimit shoqërohej nga këshilltari i tij ushtarak, kolonel Hamdi Pollomi dhe drejtori i Departamentit për Bashkëpunim Ndërkombëtar dhe Integrime Euroatlantike, kolonel Hasan Hoxha.

Më Shumë

Aktakuzë për tentim vrasje në Prizren, konflikti nisi pas një aksidenti në komunikacion

Prokuroria Themelore në Prizren të mërkurën ka njoftuar se ka ngritur aktakuzë ndaj një personi të dyshuar për kryerjen e veprave penale të tentim...

Lodra e të varfrit

CHARLES BAUDELAIRE Do të doja ta jepja idenë e një dëfrimi të pafajshëm, sepse ka shumë pak zbavitje që nuk janë të dënueshme! Kur dilni në...

Lajmet e Fundit