Përkundër thirrjeve të vazhdueshme që të qëndrohet në shtëpi, disa qytetarë edhe sot ia kanë mësy Prevallës e cila ndodhet vetëm 30 km larg Prizrenit,
Kolona të gjatë janë parë përgjatë rrugës Prizren-Prevallë, ani pse rreptësisht janë të ndaluara tubimet e tilla nëpër parqe të ndryshme.
Persona kompetent janë shprehur se javët në vazhdim janë vendimtare sa i përket përhapjes së COVID-19 në Kosovë, disa qytetarët nuk po i marrin seriozisht thirrjet për mos-dalje, andaj sot ata janë ndaluar nga Policia e Kosovës, pikërisht në hyrjen për në Prevallë, shkruan Insajderi.
Qytetarët duhet ta kuptojnë se me tubime të tilla nëpër parqe të ndryshme nuk mund të ‘luftohet’ koronavirusi.
Nga 33 rastet e konfirmuara mbrëmë nga Instituti Kombëtar i Shëndetësisë në Kosovë me COVID-19, 3 janë me vendbanim në Prizren. Teksa numri total i të prekurve ka arritur në 283, ndërsa janë shëruar 53 dhe kanë vdekur 7 nga ky virus.
Pas konfirmimit edhe të tre rasteve nga Prizreni, Kryetari Haskuka u ka bërë me dije qytetarëve se nëse vazhdohen daljet e tilla edhe Prizreni mund të futet në karatinë.
Në karatinë deri tani ndodhen Prishtina, Ferizaj, Malisheva, Klina, Vitia, Zveçani, Suhareka dhe Mitrovica e Veriut./Insajderi.com
Në pamjet e publikuar nga “RTV Besa”, shihet se si patrulla të policisë janë në vendin e ngjarjes, si rrjedhojë qarkullim nga Prizreni për në Prevallë është ndalë.
