14.8 C
Prizren
E hënë, 26 Shtator, 2022

Qytetarët e Kosovës do të mund të marrin vizë amerikane brenda ditës

VizatQytetarët e Kosovës do të mund të marrin vizat për në Shtetet e Bashkuara të Amerikës në të njëjtën ditë kur mbahet edhe intervista e tyre për tu pajisur me leje të udhëtimit. Ambasada e SHBA-ve në Prishtinë, përmes një komunikate për media njofton se ka ndryshuar procedurat në procesimin e vizave në Ambasadën e SHBA-ve në Shkup.

Më parë nga banorët e Kosovës kërkohej që të kenë intervistën e tyre në ambasadën e SHBA-ve në Shkup në një ditë dhe, nëse kërkesa aprovohej, të kthehen ditën e nesërme të punës për të marrë vizën.

“Procesi i ri do t’iu mundësojë shumicës së banorëve që kualifikohen për vizë që të njëjtën ta marrin në të njëjtën ditë kur edhe janë intervistuar, edhe pse në ditët kur ka tepër shumë kërkesa nga disa aplikues ende mund të kërkohet që to vijnë prapë në ditën pasuese të punës.

Aplikuesit të cilëve u është aprovuar viza mund ta maksimizojnë gjasën për procesim po të njëjtën ditë nëse sigurohen që informatat në aplikacionin e tyre elektronik për vizë janë të plota dhe të sakta. Aplikuesit që bëjnë gabime në emrat e tyre, datat e lindjes, apo numrat e pasaportës, nuk do të kualifikohen për procesim po të njëjtën ditë”, thuhet në komunikatë.
Sipas këtij njoftimi, ndryshimet procedurale do të prekin vetëm banorët e Republikës së Kosovës dhe nuk do të ndikojnë në shërbimet që Ambasada e SHBA-ve në Shkup.

“Për më shumë informata ju lutemi vizitoni faqen e Internetit të Ambasadës së SHBA-ve në Prishtinë: http://pristina.usembassy.gov/visas.html”, thuhet në fund të komunikatës.

Më Shumë

Miratohet buxheti i Prizrenit

Në mbledhjen e sotme të Kuvendit Komunal të Prizrenit, anëtarët e Kuvendit votuan buxhetin e Komunës për vitin 2023.  25 anëtarë të kuvendit votuan për. Sipas...

Prizren: Biçiklisti bie në një kanal

Një person është lënduar në Prizren. Biçiklisti kishte rënë në një kanal-vend punim të një kompanie e cila ishte duke i kryer disa punime në...

Lajmet e Fundit