Pavarësisht masave që ka marrë qeveria në detyrë e Kosovës për kufizimin e lirë së lëvizjes, duket se qytetarëve të Prizrenit nuk ju bëhet vonë.
Në një video që ka siguruar Gazeta Express, shihet prizrenasit nuk po i respektojnë vendimet e qeverisë në detyrë.
Në këtë video gjithashtu shihet se qyteti është i stërmbushur nga qytetarët të cilët po frekuentojnë rrugët e qytetit, sikur të mos kishte pandemi.
Vetëm sot, Instituti Kombëtar i Shëndetësisë Publike të Kosovës (IKSHPK) ka njoftuar se janë konfirmuar edhe 10 raste të reja me koronavirus në vend.
Numri i të infektuarve me koronavirus ka shkuar në 955.
Laboratori i Mikrobiologjisë Molekulare në IKSHPK sot ka testuar 236 mostra, prej të cilave 10 kanë rezultuar pozitive.
“Rastet pozitive janë raste kontakti nga: komuna e Vushtrrisë 4 raste (sipas vendbanimit: 4 raste Vushtrri), komuna e Ferizajit 4 raste (sipas vendbanimit: 3 raste Ferizaj dhe 1 rast Rahovicë) dhe me nga 1 rast vendbanimet: Prishtinë dhe Randobravë-Prizren”, ka njoftuar IKSHPK.