Rezultatet jostabile të Real Madrid nga fillimi i sezonit e vendosën Zinedine Zidane në një pozitë të keqe dhe tani ka spekulime për largimin e tij nga pankina e “mbretërve”.
Nëse rezultatet nuk përmirësohen, atëherë Zidane ndoshta do të largohet nga Real Madrid dhe ekipi spanjoll ka gati një zëvendësim për të.
Tashmë ka spekulime për pasardhësit e mundshëm të francezit, dhe favoriti i parë është Mauricio Pochettino.
Argjentinasi nuk e fsheh se ka një dëshirë të madhe të ulet në krye të Los Blancos, dhe për momentin është pa skuadër.
Opsioni i dytë është që legjenda e klubit Raul Gonzalez Blanco, i cili aktualisht drejton ekipin e dytë të Real Madrid, të marrë vendin e Zidane.