Sot Francesco Totti shkoi në Valdebebas, në qendrën sportive të Real Madridit, si i ftuar i mikut të tij Carlo Ancelotti dhe pa disa nga kampionët e Evropës duke u stërvitur. Lojtarët e Realit, të cilët nuk e dinin ardhjen e tij bashkë me partneren e tij Noemi, kanë mbetur pa fjalë dhe të gjithë i kanë kërkuar kapitenit historik të Romës një foto për ta postuar në rrjetet sociale.

Benzema publikoi një foto me numrin 10, Rudiger, ish-shoku i skuadrës së Tottit, shkruan: “Ka vetëm një kapiten”, ndërsa Rodrygo dhe Vinicius kanë shkruar: “Legjendë”.

Totti foli edhe për kanalet zyrtare të Real Madridit: “Ishte një ndjenjë e mrekullueshme. Është hera e parë që shoh një ndeshje të Real Madridit nga stadiumi, pasi kam qenë gjithmonë një rival në fushë. Real Madrid është një klub shumë i rëndësishëm dhe unë kam një marrëdhënie të mrekullueshme me Ancelottin. Ai është një person i vërtetë, i pastër që përcjell pozitivitet. Ai më dha mundësinë të vij të shoh Real Madrid dhe ja ku jam. Pas Romës, Real Madrid është ekipi im i dytë. Unë gjithmonë e kam inkurajuar dhe admiruar”.

Për gjysmëfinalen e Ligës së Kampionëve kundër Cityt, Totti tha: “Është një gjysmëfinalefinale. Ata janë dy ekipe të mëdha dhe dy klube të mëdha. Do të shohim 50 lojtarë të klasit botëror. Çdo gjë mund të ndodhë. Unë mbështes Real Madridin dhe shpresoj shkojnë në finale”.

Për Modric?: “Ne kemi një marrëdhënie të veçantë. Ne e admirojmë njëri-tjetrin. Kam kënaqësinë ta njoh personalisht dhe ai është një lojtar dhe një person i jashtëzakonshëm. Ai është një person i vërtetë dhe i sinqertë”.

Së fundi, ovacionet në Bernabeu si romanist është e pamundur që Francesco ta harrojë: “Ishte një ndjenjë që do ta mbaj me vete për pjesën tjetër të jetës sime. Është një emocion unik të duartrokitesh nga një stadium si Bernabeu. Ishte emocionuese, Bernabéu është një stadium që ngjall pasion dhe të bën të duash të luash. Ardhja si kundërshtar ishte stimuluese”.