Regjisorja ukrainase, Jeanne Dovhych që u bë lajm para disa ditësh për përvojën e saj me policin kosovar në Aeroportin e Prishtinës, ka përcjellë nga Twitteri i saj një tjetër moment. Këtë radhë nga Prizreni, ku po merr pjesë në Dokufest.
Ajo ka thënë se ka takuar kryeministrin Kurti me të cilin kanë folur edhe për Putinin e luftën.
“Dokufesti në Prizren nuk është i rëndësishëm vetëm për filma e diskutime, por edhe një mundësi për ta takuar kryeministrin e Kosovës, Albin Kurti, në një kafe bar. Ai e njeh historinë më mirë se Putini dhe beson në fitoren e Ukrainës” ka shkruar ajo.