Forumi Rinor i Partisë Demokratike në Prizren (RDK) i ka uruar të gjithë qytetarëve të Prizrenit e në veçanti rinisë Ditën e Evropës. RDK vlerëson se kjo ditë është mjaftë domethënëse për të ardhmen e Kosovës.
“9 Maji, i cili shënohet për nder të miqve të Unionit Evropian, shpresojmë që të jetë shtytës për vendin tonë, duke i kultivuar virtytet më të larta të vendeve evropiane në shtet-ndërtim, demokraci dhe zhvillim të mëtejmë ekonomik”., thuhet në urimin e RDK-së.
“Mbi të gjitha, kjo ditë është e rëndësishme për rininë tonë, pasi që në një të ardhme të afërt, të gjithë ne të rinjtë e Republikës së Kosovës do jemi ata që do e gëzojmë këtë festë duke qenë pjesë e familjes shumëkombëshe evropiane”.
“Angazhimi i rinisë do ketë një rol të veçantë në jetësimin e aspiratave tona drejt një të ardhme më të mirë, me prosperitet dhe për lëvizje të lirë në vendet e Evropës mike”. /PrizrenPress.com/