Klubi i Lirisë ka konfirmuar rezultatet e votimit për kapitenin e ri të klubit dhe pasardhës i Kushtrim Mazrekut është Robert Gjeraj, si kapiten i ri.
Ndërsa zëvendëskapiten do të jetë Vigan Rexhaj. Përzgjedhja e kapitenëve është bërë përmes një votimi nga lojtarët, të hënën para nisjes së stërvitjes. Robert Gjeraj, me shumicë votash ka dal fitues në garën që u pasua nga Vigan Rexhaj e Visar Berisha.
“Falënderoj bashkëlojtarët për besimin e dhënë. Kjo është përgjegjësi shtesë për mua. Do të mundohem që të kryej me korrektësi obligimet e marra nga sot e tutje”, tha bartësi i ri i shiritit të kapitenit, Gjeraj.
Robert Gjeraj pason Kushtrim Mazrekun, i cili u lëndua disa javë para fundit të kampionatit dhe operoi gjurin, që për një kohë do të jetë jashtë fushe./PrizrenPress.com/