Rosie Huntington-Whiteley është kthyer sërish në tregun e beqareve. Aktorja dhe supermodelja e bukur, është ndarë nga i dashuri i saj, aktori i famshëm Jason Statham, bëjnë të ditur mediet britanike.
“Ata janë ndarë dy javë më parë. Nuk e di pse, por ata më nuk janë bashkë”, ka deklaruar një burim i afërt me çiftin. Edhe gjatë festivalit të filmit në Kanë është përfolur për ndarjen e tyre, kjo pasi ata nuk ishin paraqitur bashkë në këtë ngjarje, çka e kishin bërë viteve të kaluara. Supermodelja kishte arritur ditën kur Statham ishte larguar nga Festivali, duke mos dashur që të takohej me të.
“Ajo me qëllim e ka shmangur takimin me të, prandaj nuk ka arritur në Kanë deri në ditën kur është larguar Jason. Ajo nuk dëshiron të ketë më asgjë me të”, ka shtuar burimi. Zëdhënësi i saj nuk e ka mohuar raportin për ndarje siç e kishte bërë të kaluarën kur ishte raportuar për ndarjen e tyre.
Në burim tjetër ka deklaruar se arsyeja e ndarjes së tyre qëndron në atë se aktori nuk ka dashur të martohet dhe të lindë fëmijë me të, derisa ajo ishte këmbëngulëse që të zyrtarizonin lidhjen e tyre dhe të krijojnë familje.
“Ajo më nuk ka mund të pranoj refuzimin e tij të vazhdueshëm për t’u martuar dhe për të pasur fëmijë. Ajo ua ka lakmi kolegeve të saja të cilat tashmë kanë krijuar familje. Ajo i ka dhënë ultimatum atij, por ai nuk ka pranuar”, ka deklaruar një burim tjetër.