Ish-komandanti i Zonës Operative të Pashtrikut dhe anëtari i Komisionit Qeveritar për njohjen dhe verifikimin e statusit të dëshmorit, invalidit dhe veteranit të Ushtrisë Çlirimtare të Kosovës, Sadik Halitjaha, ka deklaruar se Zona e Pashtrikut, gjatë kohës së luftës, ka pasur 8835 ushtarë
Ai tha se këtyre ushtarëve nuk do t’ju merret statusi i veteranit.
“Asnjërit veteranë nuk do t’ju merret statusi”, tha Halitjaha për TV Besa, transmeton PrizrenPress.
Sipas tij, “njerëzit që gjatë luftës për UÇK -në kanë thënë se janë pak terrorist, sot po thonë se janë shumë”.
“Nuk po i bie tamam asnjëherë tradhtarit me patriotin”, tha ai.
Halitjaha siguroi se numri i veteranëve të Zonës së Pashtrikut është real.
“Mund të ketë gabime të vogla, por ato gabime nuk e dëmtojnë askënd”./PrizrenPress.com/