Zëdhënësi i PDK-së në Prizren, Samir Hoxha nuk e njeh as si emër “dezertorin” e subjektit të tij politik, Taulant Mujën. Ai tregon se për herë të parë për Taulantin ka dëgjuar kur ju ka bashkuar LDK-së.
“Nuk e njoh atë djal. As idenë se kam se në cilën degë të PDK-së ka qenë i anëtarësuar”, tregon Hoxha për “PrizrenPress”.
“Në portale për herë të parë e kam lexuar emrin e tij se ka qenë në PDK. Unë se njoh”, shprehet ai.
Taulant Muja dy ditë më parë ka braktisur PDK-në dhe i është bashkuar LDK-së. Ai në LDK është mirëpritur nga kryetari i Degës së Prizrenit, Haxhi Avdyli.
Muja ka thënë për “PrizrenPress” se në PDK nuk ka gjetur hapësirë për të dhënë kontributin e tij politik. /PrizrenPress.com/.