Në Projektrezolutën për gjenocidin në Srebrenicë e sponsorizuar në Këshill të Sigurimit të OKB-së nga Britania e Madhe, serbët akuzohen për përdhunime masive.
Sipas medieve të Beogradit, ndër të tjera në këtë rezolutë është thënë se serbët, përveç femrave, përdhunuan edhe dhjetëra burra e djem të rinj.
“Është e njohur se serbët gjatë luftës në Bosnjë, veçanërisht në zonën e Srebrenicës, përdhunuan dhe abuzuan seksualisht me dhjetëra mijëra gra, vajza, burra e djem”, është thënë në këtë rezolutë.
Përmbajtja e kësaj Projektrezolute nuk i ka pëlqyer Qeverisë së Serbisë. Kryeministri serb Aleksandër Vuçiq në një konferencë për media në Qeverinë e Serbisë, ka thënë se teksti i përmendur përmban gënjeshtra monstruoze.
“Në asnjë mënyrë nuk mund të jemi dakord me rezolutën e Britanisë së Madhe për Srebrenicën”, ka thënë Vuçiq./lajmi.net/