Departamenti për Krime të Rënda i Gjykatës Themelore të Prizrenit ka vendosur një muaj paraburgim ndaj të pandehurit Sh.Spahiu nga Suhareka.
Ai dyshohet se ka kryer veprën penale, keqpërdorim seksual i personave nën moshën 16 vjeç.
“I pandehuri do të mbahet në paraburgim në kohëzgjatje prej një muaji, i cili do të llogaritet prej kohës së ndalimit, data 19.06.2015 në ora 16:00 dhe do të zgjasë deri me datën 19.07.2015”, njofton zëdhënësja e gjykatës, Afërdita Kicaj.
Gjyqtari e Procedurës Paraprake e miratoi kërkesën e Prokurorisë Themelore të Prizrenit e cila kërkoi mbajtjen në paraburgim të pandehurit. /PrizrenPress.com/