0.8 C
Prizren
E diel, 29 Janar, 2023

Sfida interesante në Superligë

 

Në mesjavë do të zhvillohet xhiroja e nëntë në Superligën e Kosovës në basketboll, ku do të jenë disa duele mjaft interesante.

Ndeshja e parë do të zhvillohet ndërmjet Dritës dhe Rahovecit, dy skuadra që nuk e kanë nisur aq mbarë edicionin e ri. Gjilanasit në tetë ndeshje kanë tetë humbje, duke qenë skuadra e vetme pa fitore në elitë, kurse Vreshtarët kanë një fitore dhe gjashtë humbje.

Bashkimi rikthehet në palestrën “Sezai Surroi”, ku përballet me kampionin Golden Eagle Ylli. Prizrenasit kanë pesë fitore dhe tri humbje, kurse therandasit pesë fitore dhe katër humbje, duke përfshirë edhe fitoren ndaj Pejës, që shënuan në Ligën Unike, e cila llogaritet në Art Motion Superligë.

Të enjten përballen rivalët e vjetër dhe skuadrat me traditë në basketbollin e Kosovës, Peja dhe Sigal Prishtina. Pejanët kanë gjashtë fitore dhe tri humbje, ndërsa prishtinasit katër fitore dhe katër humbje. Sfida pritet të jetë interesante, ashtu siç kanë qenë përballjet mes këtyre dy skuadrave.

Ndeshja e fundit zhvillohet mes Prizreni 16 dhe Trepçës, skuadrat finaliste të Superkupës së Kosovës. Të dy skuadrat janë në formë të mirë këtë edicion dhe kjo e bënë përballjen shumë interesante. Prizrenasit kanë pesë fitore dhe dy humbje, ndërsa mitrovicasit gjashtë fitore dhe dy humbje.

Superliga – Java 9

E mërkurë

17:00 Drita – Rahoveci

19:00 Bashkimi – Golden Eagle Ylli

E enjte

17:00 Peja – Sigal Prishtina

19:00 Prizreni 16 – Trepça

Më Shumë

“ Fidani” në Prizren shpall konkurs letrar

Shoqata për Kulturë e Art “ Fidani” në Prizren ka shpallur konkurs letrar për tregim të shkurtë dhe poezi . Konkursi është shpallur me...

Latifi: Në janarin e vitit 1990, forcat pushtuese serbe iu frikësuan lumit të madh të demonstruesve

Në 33 vjetorin e rënies së dëshmorëve Nesimi Elshani, Agron Fetahu, Halim Hoti dhe Hilmi Krasniqi, Komuna e Rahovecit ka organizuar homazhe pranë varrezave...

Lajmet e Fundit