Kryetari i PDK-së në Prizren, Shaqir Totaj, ka hedhur spica kundër kundërshtarëve të brendshëm partiakë të tij.
Ai në një postim në Facebook nuk ka përmendur emra të përveçëm se kujt ia ka kushtuar këtë status, mirëpo lë të nënkuptojë se i është drejtuar kuvendarit të partisë, Kastriot Krasniqit, i cili dje tha se “Totajn nuk po e dëgjon e nuk po ia merr fjalët seriozisht askush”.
“Është rregull e (pa)shkruar që secili individ pavarësisht se ku jeton dhe me çka merret, përmes mënyrës se si komunikon dhe si sillet e (de)legjitimon vetveten”, shkruan Totaj.
Kuvendari i PDK-së në Prizren, Kastriot Krasniqi tha dje se kryetari i degës, Shaqir Totaj e ka humbur ndikimin e tij.
Sipas tij, Totajn nuk po e dëgjon e nuk po ia merr fjalët seriozisht askush.
Ai shton se votat për Mytaher Haskukën, kryetarin e tanishëm të Prizrenit u bënë edhe me ndihmën e PDK-së.
“Kështu nuk hyhet në garën për kryetar Komune kur nuk të pyet kush. PDK duhet të reflektojë sa nuk është bërë vonë”, ka shkruar ndër të tjera ai”, tha Krasniqi./PrizrenPress.com/