Mbrëmë rreth orës 22 si pasojë e reshjeve të shiut dhe punimeve jo kualitative, është shembur një pjesë e rrugës “ Afrim Krasniqi” në lagjen Tusus.
Një pjesë e rrugës së shtruar me kubëza nga komuna e Prizrenit para më shumë se një muaj e gjysmë, ka rrëshqitur mbrëmë si pasojë e të reshurave të shiut dhe punimeve jocilësore në këtë projekt, thotë i shqetësuar banori i kësaj pjesë të lagjes Tusus, Hysni Berisha, i cili kërkon intervenim nga organet kompetente për sanimin e gjendjes pas shëmbjes së rrugës.
Edhe banori tjetër, Vllaznim Berisha, thotë se më shembjen e kësaj rrugë është vështirësuar dukshëm lëvizja e qytetarëve të cilët e frekuentojnë këtë rrugë për nevoja të përditshme të tyre. Përveç shembjes së kësaj pjese, këta banorë thanë në fund se edhe projekti i përgjithshëm i saj nuk është përfunduar, pasi që rruga nuk është shtruar me kubëza në gjatësinë e paraparë për të gjitha familjet që jetojnë aty./TvPz