Nënkryetari i Komunës së Prizrenit, Eshref Memaj, së bashku me drejtoreshën e Drejtorisë Komunale të Arsimit, Xhemile Thaçi Vezgishi dhe zëvendëskryesuesin e Kuvendit Komunal, Sencar Karamuço, kanë pritur në takim një delegacion nga Bursa e Turqisë, në krye me drejtorin e Drejtorisë së atjeshme të Arsimit, Seyfettin Mayuk dhe drejtorë të shkollave të ndryshme nga ky qytet të cilët ishin të shoqëruar edhe nga drejtorët e disa shkollave të Pejës.
Tema e këtij takimi ishte mundësia e lidhjes së bashkëpunimit mes Komunës së Prizrenit dhe Komunës Nilufer, duke u bazuar në bashkënimin 10 vjeçar Pejë-Nilufer në fushën e arsimit.
Palët u dakorduan që së shpejti të fillojnë me hapa konkrete drejt bashkëpunimit dhe shkëmbimit të përvojave mes dy komunave në fushën e arsimit dhe të kulturës.