Në kuadër të Berlinales 2014, EUFCN – European Film Commission Network do të zhvillojë të martën (11 shkurt), në Berlin takimin e rradhës të anëtarëve të saj.
Në këtë takim merr pjesë Ilir Butka, si përfaqësues i Albania Film Commision, që gëzon tashmë të drejta të plota në aderimin e saj në këtë organizëm unik dhe prestigjioz të kontinentit. Gjatë takimit pritet të diskutohet për disa çështje si, buxheti dhe situata financiare 2014, aktivitetet e këtij viti, marketing dhe promovimi i tyre, etj, bëri të ditur Agron Domi, bashkëdrejtues me Ilir Butkën në Albania Film Commision.
Sipas tij, një temë tjetër e takimit të anëtarëve të EUFCN do të jetë edhe ajo mbi fondet evropiane për prodhimin e filmave artistikë dhe promovimi midis vendeve europiane, si t’u shpjegohet prodhuesve për fondet qe mund të aplikojnë dhe cilat fonde mund të ndihmojnë komisionet e filmave në vendet përkatëse, mes të cilave edhe në Shqipëri.
EUFCN është një shoqatë jo-fitimprurëse që mbështet dhe promovon industrinë e filmit dhekulturës. Qëllimet kryesore janë për të krijuar një rrjet më aktiv të Komisioneve të Filmit Evropian , për të nxitur shkëmbimin e informacionit ndërmjet anëtarëve dhe për të mbështetur zhvillimin e kërkimeve dhe mundësitë për xhirimet e filmave.
Albania Film Commision ka për qëllim të promovojë rajonin shqiptar për të xhiruar në të filma europian, por jo vetëm. Gjithashtu Albania Film Commision ka për qëllim krijimin e mundësive të reja për të gjithë ata që duan të punojnë në indistrinë e filmit në Shqipëri.