Dikush nuk gjen punë për vite të tëra ndonëse i ka disa diploma në xhep, ndërsa politikanët kosovarë, zyrtarët qeveritarë apo të institucioneve të tjera, vazhdojnë të mbajnë nga dy e më shumë vende pune me orar të rregullt. Madje disa prej tyre, kanë edhe nga pesë vende pune.
Sipas statistikave të vitit 2012 dhe deklarimit publik të pasurisë që bëjnë zyrtarët publikë në Agjencinë Kundër Korrupsionit, numri i zyrtarëve që kanë mbajtur më shumë se një vend punë ka arritur në mbi 800, shkruan Kosova Sot.
Ministrat Hajredin Kuçi, Enver Hoxhaj, Besim Beqaj, Ramë Buja, kryetari i LDK’së Isa Mustafa e shumë zëvendësministra e drejtues të institucioneve të tjera mbajnë mbi një vend pune.