Në kuadër të rregullimit të infrastrukturës rrugore, nëpër fshatrat e Komunës së Malishevës, në fshatin Bubavec, kanë filluar dhe janë duke u shtruar disa rrugë, brenda fshatit, me qëllim të lidhjes së lagjeve me rrugë të asfaltuar. Gjatë ditës sotme, punimet në këto rrugë i ka inspektuar edhe Kryetari i Komunës së Malishevës, Ragip Begaj.
Me këtë rast kryetari Begaj, i ka uruar banorët e këtyre lagjeve, për rregullimin e rrugëve të tyre dhe ka premtuar se nuk do të mungoj angazhimi i komunës, në rregullimin e infrastrukturës së përgjithshme, në të gjitha fshatrat e Malishevës.
Përndryshe në Bubavec, aktualisht, janë duke u shtruar rreth 350 metra rrugë brenda fshatit, si dhe është duke u ndërtuar edhe një pjesë e kanalizimit. Të gjitha këto investime mundësohen nga buxheti komunal i Malishevës.