Sigal Prishtina ka mposhtur Ponte Prizrenin në xhiron e 14-të të Prince Caffe Superligës.
Ndeshja ka përfunduar me rezultat 71:77 (22:19, 17:21, 18:15, 14:22).
Ndeshja pati rrjedhë ku herë njëra e herë tjetra merrnin dominimin, por në fund fitorja ishte e mysafirëve.
Te Ponte Prizreni u dallua Dachon Burke me 32 pikë e nëntë kërcime, kurse te Sigal Prishtina më të mirët ishin Dustin Thomas me 21 pikë e 11 kërcime dhe Derrick Wilson me 20 pikë e nëntë kërcime.
Ponte Prizreni kanë gjashtë fitore e shtatë humbje, ndërsa Sigal Prishtina dhjetë fitore e katër humbje.