Sot hapen punimet e konferencës së II-të të Ambasadorëve të Republikës së Kosovës, me temën “Politika e jashtme dhe multilateralizmi: Forcimi i rolit të Republikës së Kosovës në marrëdhëniet ndërkombëtare”.
Punimet do t’i hap presidentja Atifete Jahjaga, kryeministri Hashim Thaçi dhe ministri i Punëve të Jashtme, Enver Hoxhaj.
Gjatë dy ditëve të zhvillimit të konferencës, do të trajtohen çështjet kryesore që lidhen me punën e misioneve diplomatike të Republikës së Kosovës, prioritetet, objektivat, sfidat si dhe perspektiva e zhvillimit të mëtutjeshëm të shërbimit të jashtëm të Kosovës,transmeton KosovaPress.
Ambasadorëve të Kosovës, përfaqësuesve të institucioneve dhe të ftuarve të tjerë me nga një fjalim do t’iu drejtohen edhe krerët e shtetit, presidentja Atifete Jahjaga, kryeministri Hashim Thaçi, si dhe ministri i Punëve të Jashtme, Enver Hoxhaj.