Federata Spanjolle e Futbollit ka shkarkuar trajnerin, Julen Lopetegui, një ditë para nisjes zyrtare të Kupës së Botës Rusi 2018. Lëvizja e paprecedentë vjen një ditë pasi Lopetegui u zyrtarizua si pasuesi i Zinedine Zidane në stolin e Realit të Madridit. Sipas njoftimit të klubit madrilen ai firmosi një marrëveshje 3-vjeçare me kampionët e Europës.
Prej 2 vitesh, ai është nën drejtimin e përfaqësueses spanjolle ku edhe rinovoi para disa ditësh, por me sa duket është joshur nga oferta e Real Madrid për tu rikthyer të drejtojë një klub. Lopetegui ka mbajtur më herët edhe fanellën e Real Madrid si lojtar në fundin e viteve 80’ dhe si trajner i ekipit të dytë në sezonin 2008-2009.