Sporting është skuadër që ka aftësi për ta mposhtur kampionin italian, Juventus, insiston trajneri i skuadrës portugeze, Jorge Jesus.
Sporting do të eliminohet nga Liga e Kampionëve nëse humb sonte ndaj Juventusit, por tekniku i saj beson se skuadra e tij do të mund të nxjerrë rezultat nga kjo ndeshje.
“Do të tregohemi të fortë kundër një top ekipi evropian si Juventus. Ne e dimë sa të fortë janë, por ne besojmë në cilësitë tona”, ka thënë Jesus në një konferencë para ndeshjes.
Sporting e pret Juventusin sonte me fillim nga ora 20:45 në kuadër të xhiros së katërt të grupit D.
Sporting ka vetëm 3 pikë në vendin e 3 dhe i duhet fitorja për të shpresuar në kualifikim më tutje.
Barcelona prin me 9 pikë, ndërsa Juventus e dyta me 6 pikë.