Qendra për Strehimin e Grave dhe Fëmijëve (QSGF) në Prizren meriton përkrahje më të madhe institucionale kanë vlerësuar zyrtarët lokalë dhe aktorët tjerë, të premten, në tryezën e organizuar nga Instituti Demokratik i Kosovës (KDI), shkruan sot “Koha Ditore”.
në këtë takim gjithashtu kanë vënë në pah nevojën për mbështetje më të madhe institucionale edhe për riintegrimin e viktimave të dhunës në baza gjinore.
Naim Cahani nga KDI ka bërë të ditur se sfidat aktuale në këtë drejtim kanë shtyrë këtë organizatë që ta organizojë tryezën e titulluar: “Dhuna në baza gjinore dhe përgjegjshmëria e komunave në adresimin e nevojave të viktimave të dhunës në baza gjinore”.