Grupi i Pavarur Studentor, ka kërkuar sot nga Senati i Universitetit të Prishtinës “Hasan Prishtina” dhe rektori Ramadan Zejnullahu që kushti për vitin e parë të jetë me shtatë provime; afati i prillit të jetë me dy provime, afati i tetorit të vlejë për kusht dhe të jetë me dy provime; kushti për vitin e dytë të jetë me katër provime dhe lirim nga semestri për kategoritë e veçanta të studentëve.
Ky grup konsideron që vendimet e fundit të Senatit të UP-së, janë të dëmshme për studentët.
Argjend Softolli nga ky grup, ka thënë për “Epoka e re”, se nëse nuk plotësohen kërkesat e studentëve, atëherë Rektorati do të përballet me protesta.
“Ne si Grup i Pavarur Studentor paralajmërojmë se, nëse brenda 48 orëve nuk marrim përgjigje pozitive në lidhje me këto kërkesa, atëherë pa kënaqësitë tona do të shfaqen nëpërmjet protestave gjithëstudentore”, ka thënë ai.