Parlamenti Studentor i Universitetit “Ukshin Hoti” në Prizren, ka mirëpritur vendimin e kryeministrit të Kosovës, Hashim Thaçit, për uljen e pagesës për studime.
“Me rastin e marrjes së vendimit për uljen e pagesave të semestrave nga ana e kryeministrit Hashim Thaçi, shprehim falenderimin tonë si Parlament Studentor i Universitetit te Prizrenit “Ukshin Hoti”, tha Nehat Gashi, kryetar i Parlamentit Studentor në Universitetin “Ukshin Hoti”
“Po ashtu e përshëndesim edhe vendimin e fundit të Kryeministrit që të gjithë studentët e vitit të parë të mos paguajnë fare shpenzimet për semestër”.
“Ky është një vendim i domosdoshem për studentët për shkak se Universitetet Publike çdo herë duhet të përkrahen nga Qeveria, dhe ne si studentë shprehim kënaqesinë e madhe që më në fund u mendua edhe për ne”.
“Si Parlament Studentor shpresojmë dhe urojmë që krahas zbritjeve te çmimeve për pagesa të kemi edhe rritje të cilësisë mësimore në të gjitha Universitetet në vend”.
“Konsiderojmë që arsimimi i mirëfilltë është baza kryesore për një shoqëri që të zhvillohet dhe të ecë përpara”/PrizrenPress.com/ .