Kryetari i Komunës së Suharekës, Sali Asllanaj, ka takuar komandantin e kazermës së FSK-së në Prizren, kapiten Sejdi Krasniqin, me ç’rast kanë bashkëbiseduar për temat me interes për qytetarët e kësaj komune.
Në kuadër të takimit, eprori i FSK-së e ka njoftuar kreun Asllanaj se në Komunën e Suharekës nuk ka fusha të minuara, por ka fushëbeteja. Sipas njoftimit të Zyrës komunale të informimit, Asllanaj dhe Krasniqi kanë vlerësuar bashkëpunimin e deritashëm midis këtyre dy institucioneve.
Më tej, sipas komunikatës, kapiten Krasniqi ka njoftuar kryetarin Asllanaj për punët që i kryejnë pjesëtarët e Kompanisë së Çminimit të kazermës në Prizren, duke shtuar se deri tashti “kemi operuar në 280 mijë metra katrorë hapësira, duke gjetur 400 mjete të rrezikshme”,