11.8 C
Prizren
E premte, 3 Maj, 2024

Suspendohen tre mjekë, nuk ishin në vendin e punës

Tre mjekë janë suspenduar nga puna e tre të tjerë janë dërguar në komisionin disiplinor përfshirë edhe dy infermierë.

Lajmin e ka bërë të ditur ministri i Shëndetësisë, Uran Ismajli.

Ministri ka treguar se është njoftuar nga Bordi i ShSKUK-së se gjatë një inspektimi që ka bërë drejtori i këtij institucioni mbrëmjen e kaluar në disa klinika nuk i ka gjetur në vendin e punës disa mjekë dhe infermierë.

Ministri Ismaili tha se nuk do të ketë kompromis dhe askush nuk do të falet nëse mungojnë në vendin e punës.

Ky është postimi i plotë i ministrit Ismaili në profilin e tij në “Facebook”:

“Porsa u njoftova nga Bordi i SHSKUK-së, se gjatë një inspektimi, të cilin e ka bërë drejtori i këtij institucioni Basri Sediu, gjatë natës së djeshme, në disa klinika nuk i ka gjetur fare në vendin e punës disa mjekë dhe infermierë.

Si rrjedhojë, 3 mjekë janë suspenduar nga puna, 3 të tjerë janë dërguar në komision disiplinor përfshirë edhe 2 infermierë.

Duke e mirëkuptuar punën e vështirë dhe lodhjen e madhe që mund ta kenë gjatë ushtrimit të profesionit, mungesa në vendin e punës nuk e arsyeton askënd. Mungesa e tyre në vendin e punës mund të jetë humbje e madhe për dikë.

Ne po punojmë çdo ditë që të përmirësojmë kushtet për personelin mjekësor në vend, siç bëmë ditë më parë duke rritur pagat e kujdestarive për ta, por çdokush që sillet në mënyrë të papërgjegjshme karshi punës dhe qytetarëve tanë, nuk e meriton të jetë aty.

Këtë sjellje nuk e meritojnë mijëra profesionistë shëndetësorë, të cilët e bëjnë punën e tyre me nder dhe përgjegjësi, që të njollosen nga raste të tilla. Prandaj, në këto situata, nuk do të ketë kompromis dhe askush nuk do të falet.”

Më Shumë

Një person i kërkuar arrestohet në Prizren dhe dërgohet në vuajtje të dënimit

Stacioni Policor në Prizren vazhdon angazhimin e tyre në ruajtjen e rendit publik dhe ekzekutimin e urdhërave gjyqësore. Sot, më 26 prill 2024, një operacion...

Dy klube të reja në volejbollin kosovar: KV Prizreni dhe KV Alpha

Federata e Volejbollit e Kosovës (FVK) ka bërë të ditur se skenës së volejbollit tonë i janë shtuar edhe dy klube të reja. FVK-ja njoftoi...

Lajmet e Fundit