Drejtori i Informacionit në Klan Kosova, Gazmend Syla, në Zonën Zgjedhore, ka thënë se numri i njerëzve nëpër tubime(të partive të ndryshme), nëpër salla, në qytete të ndryshme, nuk mund të merren si bazë për një projektim të votave që ato mund t’i mbledhin në zgjedhje.
“Sallat plot nuk janë indikator i përkrahjes që mund të ketë një parti politike. Sic nuk janë as pëlqimet në rrjete sociale, e të ngjashme. Vota kërkon angazhim fizik në një ditë të caktuar, në një kohë të caktuar”.
Ai më pas ka komentuar fjalimin e kryetarit të PDK-së, Kadri Veseli, në Podujevë, gjatë së cilit ai bërë një varg premtimesh, pa harruar të përmend kontriubutin që ky qytet ka dhënë në rrugëtimin e vendit drejt lirisë.
Syla është ndalur edhe tek emri që Veseli përdori për Podujevën – Besianë – duke e cilësuar si një vazhdim të tendencës të ‘krahut të luftës’ për ta realizuar këtë ndryshim, në raport me atë ‘të paqes’ që ka dashur ta mbajë të pandryshuar.