Më 27 prill të vitit 2012 është vënë gurëthemeli i saj. Sot, janë bërë gati dy vite dhe përveç që ndërtimi i kullës nuk ka përfunduar, realizimi i këtij projekti është përcjellë edhe me shumë probleme tjera.
Projekti për ndërtimin e kullës së heroit Shaban Polluzha në Polluzhë të Drenasit, fillimisht ka kapur koston prej 88 mijë eurosh me financim të Ministrisë së Kulturës. Në bazë të këtij projekti me numër të prokurorimit 207-12-014-5-2-1, një kopje të të cilit e posedon gazeta, është hapur edhe tenderi.
Në këtë projekt është lidhur kontrata për realizimin e punimeve, ku ndër të tjera është planifikuar që përveç pllakës së përdheses prej 17 centimetrash edhe pllakat e konstruksioneve të meskateve të ndërtohen me pllaka masive nga betoni i armuar.
Po ashtu, muret e kullës si dhe oxhaqet në katin e parë dhe të dytë kanë qenë të parapara që të punohen me gurë natyralë. Edhe pse kulla tashmë është ndërtuar në tri kate, asnjë nga këto pozicione nuk janë realizuar sipas paramasës së projektit./Tribuna/