28 C
Prizren
E hënë, 28 Korrik, 2025

Teleferiku për në Kala merr vëmendjen e anëtarëve të Kuvendit Komunal të Prizrenit

Drejtori i Urbanizmit dhe Planifikimit Hapësinor Visar Islamaj e ka përkrahur propozimin e anëtarit të Kuvendit Komunal të Prizrenit Haziz Hodaj, propozimin për formimin e një komisioni që do ta monitorojë ecurinë e realizimit të projektit të teleferikut për në Kalanë e Prizrenit. Kryesuesi i Kuvendit Komunal ka kërkuar konsultime për bazën ligjore përpara marrjes së vandimit.

Kuvendari i LDK-së Haziz Hodaj, ka propozuar në mbledhjen e sotme të Kuvendit Komunal formimin e një komisioni për monitorimin e realizimit të projektit të teleferikut për në Kalanë e Prizrenit.

“Vendimi për këtë projekt është marr ne Kuvendin Komunal, prandaj propozoj formimin e një komisioni nga Kuvendi, i cili do ta monitorojë projektin sepse ende pa filluar realizimi i këtij projekti kanë plasur në media afera rreth tenderit” tha Hodaj

Drejtori i Drejtorisë së Urbanizmit dhe Planifikimit Hapësinor Visar Islamaj duke iu përgjigjur Hodajt, u shpreh pozitivisht për propozimin.

“E përshëndes propozimin dhe jam për formimin e komisionit për monitorimin e realizimit të projektit të teleferikut” tha Islamaj.

Kryesuesi i Kuvendit Komunal tha se përpara formimit të komisionit duhet të konsultohet baza ligjore.

“Do ta diskutojmë këtë propozim në ditët ne vijim dhe do të ndërmarrim veprime duke u konsultuar me bazën ligjore” tha Gashi/Gazetaere.com/

Më Shumë

Ndërprerjet e rrymës destabilizojnë furnizimin me ujë në disa zona të Prizrenit

Kompania Rajonale e Ujësjellësit “Hidroregjioni Jugor” Sh.A., Njësia Prizren, ka njoftuar se për shkak të ndërprerjes së paparalajmëruar të energjisë elektrike është destabilizuar furnizimi...

Ekspertët e Këshillit të Evropës në Prizren – Diskutohet forcimi i demokracisë pjesëmarrëse

Kryetari i Komunës së Prizrenit, Shaqir Totaj, ka pritur sot ekspertë ndërkombëtarë dhe vendorë në kuadër të projektit “Forcimi i qeverisjes shumënivelëshe dhe demokracisë...

Lajmet e Fundit