Ministri i Punëve të Jashtme Hashim Thaçi, përmes profilit të tij në Facebook, e ka rikujtuar Richard Holbrooke, diplomatin Amerikan që vazhdimisht e kishte dhënë përkrahjen e tij për Kosovën.
Ai ishte pjesëmarrës në rezidencën amerikane ku është shfaqur filmi për Richard Holbrooke, me regji të djalit të tij, David Holbrooke.
“Mbrëmë rezidenca amerikane u shndërrua në kinema ndërsa filmi i shfaqur ishte shumë i veçantë. Së bashku me liderët e shtetit, mediave dhe miqtë e Richard Holbrooke, ishte prezent edhe djali i diplomatit të ndjerë David, regjisor i filmit The Diplomat. Richardi ishte mik i Kosovës por diplomat i tërë botës. Paqja në Ballkan qëndron mbi supet e njerëzve si i ndjeri Richard Holbrooke”, ka shkruar Thaçi.