15.8 C
Prizren
E mërkurë, 29 Maj, 2024

Thaçi: Mësuesi është i respektuar në vendin tonë

thaci me mesusaMe rastin e Ditës së Mësuesit, kryeministri i Kosovës, Hashim Thaçi, ka marrë pjesë në ceremoninë e ndarjes së mirënjohjeve për mësimdhënësit e parë në Gjakovë.
I pari i vendit, në nderim të veteranëve të arsimit të Gjakovës, ka thënë se është kënaqësi për të që ta shënojnë këtë ditë për arsimin duke thënë se figura e mësuesit është e respektuar me të drejtë në vendin tonë.

“Është kënaqësi e veçantë që në këtë ditë të shënuar për arsimin ne ta festojmë atë duke ndarë mirënjohjen e shoqërisë, ndaj arsimtarëve të nderuar të cilët, bënë punën e tyre fisnike dhe të pa lodhur dhe kanë përgatitur gjeneratat të tëra për dije, për aftësi, ju falënderojmë nga zemra juve dhe gjithë arsimtarëve të tjerë për kontributin e pakrahasueshëm në jetën e këtij vendi. Për shoqërinë tonë figura e mësuesit është veçanërisht e vlerësuar dhe respektuar plotësisht në të drejtë”, ka thënë Thaçi.

Ndarjen e mirënjohjeve e bënë edhe kryetarja e Komunës së Gjakovës, Mimoza Kusari Lila, si dhe ministri i Arsimit Shkencës dhe Teknologjisë, Ramë Buja.

Kusari Lila, ka thënë se me angazhimin e tyre të përbashkët Gjakova edhe më tutje do të jetë qendër e arsimit dhe vend që prodhon emra të rinj.

“Tani jemi në vitin e parë akademik të Universitetit të Gjakovës, në të cilin si në periudhën e pasluftës kur u çliruam si institucion i lartë arsimor karakterizohet me reformat që i bënë arsimi në të gjitha nivelet dhe që kanë synim përshtatjen e arsimit në Kosovë sipas standardeve bashkëkohore evropiane e botërore. Për këtë e falënderoj Qeverinë e Kosovës kryeministrin ministrin dhe përkrahjen që ia dhanë Universitetit të Gjakovës”, ka theksuar Kusari Lila.

Edhe ministri Buja, ka shtuar se qeveria e kryeministrit Hashim Thaçit, e ka pasur dhe do ta ketë gjithmonë prioritet arsimin.

“Nëse një shoqëri dinë ta çmoj dhe vlerësoj arsimin përse i druhet ardhmërisë. Besoj që Qeveria Thaçi një dhe dy e besoj se edhe tre do të ketë parasysh dhe prioritet gjithmonë arsimin dhe avancimin e tij”, ka shtuar Buja.

Gjithashtu Thaçi, sot do të marrë pjesë edhe në inaugurimin e Universitetit të Gjakovës.

Më Shumë

Lajmet e Fundit