Zëvendëskryeministri, njëherësh Ministri i Jashtëm i Kosovës Hashim Thaçi, ka shkruar në Facebook se nënshkrimi i MSA-së është një dëshmi e suksesit të shtetit të Kosovës.
Thaçi thotë se kjo marrëveshje njëherësh përmban edhe obligime të dyanshme, ku Kosova do të zotohet për reforma, si dhe BE-ja të luajë rolin e saj në lehtësimin e këtij procesi.
Ky është postimi i plotë i Thaçit në Facebook
Kosova sot po bën hapin më të rëndësishëm drejt anëtarësimit në Bashkimin Evropian. Nënshkrimi i MSA-s është një dëshmi e suksesit të shtetit të Kosovës dhe e përkushtimit tonë për vlera evropiane. Kjo marrëveshje kontraktuale përmban obligime të dyanshme: zotim të Kosovës për reforma dhe zotim të BE-së për të na ndihmuar shumë më shumë në këtë proces, deri në përmbushjen e perspektivës evropiane. HTH