Kryeministri në largim, njëherësh kryetari i PDK-së, Hashim Thaçi, nuk ka komentuar rreth rastit të fundit të bllokimit të QKUK-së dhe arratisjen e Sami Lushtakut. Thaçi para mediave dha një përgjigje zyrtare duke thënë se, ai dhe PDK-ja nuk dëshirojnë ta përziejnë drejtësinë me politikën.
“Unë vetëm desha të them, ne nuk duhet ta përziejmë drejtësinë me politikën. Ky është edhe zotimi im, të gjithë janë të barabartë para ligjit askush nuk është mbi ligjin. Zotimi, qëllimi dhe përkushtimi im jetësor në qeverisjen e mirë është, ligji, ligji dhe vetëm ligji”, ka thënë ai.