Me rastin e vizitës së kancelares Angela Merkel, Tirana është mbuluar sot me flamuj të Gjermanisë dhe Shqipërisë.
Kancelarja gjermane Angela Merkel, do të mbërrijë në Tiranë në aeroportin “Nënë Tereza” rreth orës 13:50.
Në orën 14:15 në shkallët e Kryeministrisë së Shqipërisë kancelares do t’i rezervohet pritja shtetërore e nivelit më të lartë, për të vijuar një takim kokë me kokë me kryeministrin Edi Rama. Më pas për 45 minuta do të zhvillohet takimi në mes dy delegacioneve, i cili do t’ia lërë radhën konferencës së përbashkët për shtyp Rama-Merkel. /Mapo/