Mos mos më fal se s’është gjë tjetër
veç mëkati i parë në këtë Kalvar
që shumëzohet në vetvete
shumëzohet pa një të keqe
sa e vjetër kjo botë leqe-leqe
nuk pyet kush se ku ngece
mos më fal moj edhe një herë
pse gjithë kohës nuk ta kisha ngenë
po ta them sonte këtë fjalë
shprush era nëpër mua
a ka një tjetër herë athua
te dera mos do të kesh dalë
tjetër herë a ka moj tjetër herë
se dhemb me të vërtetë dhemb
vjeshtë edhe paraverë
një zog që iku një zog që vjen.
Skender Berisha