Të paktën dy persona kanë humbur jetën pasi një person i armatosur hapi zjarr në një supermarket Safeway në Bend, Oregon, të dielën mbrëma.
Sipas mediave të huaja, përcjell Telegrafi, oficerët iu përgjigjën raporteve për një sulmues aktiv në dyqanin në Bendin verilindor pak pas orës 19:00, tha zëdhënësja e Departamentit të Policisë Bend, Sheila Miller për Fox News Digital.
Të paktën një burrë kaloi nëpër parkingun e dyqanit duke qëlluar me armë, por asnjë viktimë nuk u raportua nga ato të shtëna.
Personi i armatosur më pas hyri në dyqan dhe qëlloi dhe vrau një person në pjesën e përparme të dyqanit.
Sulmuesi vazhdoi të ecte nëpër dyqan dhe qëlloi dhe vrau një person të dytë.
Oficerët përgjegjës e gjetën të dyshuarin të vdekur kur arritën në vendin e ngjarjes.
Policia tha se raportet fillestare treguan se oficerët nuk qëlluan asnjë të shtënë në vendngjarje.
Policia e Bendit tha se hetimi është ende duke vazhduar. /Telegrafi/